ನೀ ಬಾರೆಯಾ ?

ಹೊತ್ತು ಹೊತ್ತೇರುತಿದೆ

ಮತ್ತು ಮತ್ತೇರುತಿದೆ

ದಹಿಸುತಿರುವ ದಾಹವಿದು

ತೀರಿಸಲು ನೀ ಬಾರೆಯಾ ?

ನಿನಗಾಗಿ ಕಾತರಿಸಿ ಕಾದಿದೆ

ಈ ನನ್ನ ಮನವು

ಬಾ ಒಮ್ಮೆ ಅಪ್ಪಿಕೊ

ನನ್ನ ನೀ ಒಪ್ಪಿಕೊ

ಉಸಿರುಸಿರಿಗೂ ನಿಟ್ಟುಸಿರು

ಅನುದಿನದ ಹಗಲಿರುಳು

ವಿರಹದಗ್ನಿ ಮನವ ಸುಡುತಿದೆ

ಅಮೃತವರ್ಷಿಣಿ ನೀ ಬಾರೆಯಾ ?

ನಿನ್ನ ನೆನಪು ಸೆಳೆಯುತಿಹುದು

ಈ ಕ್ಷಣಕೆ ಅದರ ಮರುಕ್ಷಣಕೆ

ವಯಸ್ಕಾಂತದ ಸೆಳತವಿದು

ನೀ ಚುಂಬಕ ನನ್ನ ಮನದ ಕಬ್ಬಿಣಕೆ

ಮೊದಲ ಮಳೆಹನಿಗೆ ಪರಿತಪಿಸುತಿದೆ

ಈ ನನ್ನ ಮನದ ಮರಭೂಮಿ

ಸರಸ ಸಮುದ್ರವ ಮಥಿಸುತಿರುವೆ

ರಸಸುಧೆಯೆ ನೀ ಬಾರೆಯಾ ?