ಮೌನದಲ್ಲೇನೇನೂ ಇಲ್ಲ...!

ಮೌನದಲೆ ಬರೆದೆ ಕವನ
ಶಬ್ದವಿಲ್ಲ ರಾಗವಿಲ್ಲ
ತಾಳವಂತೂ ಇಲ್ಲವೇ ಇಲ್ಲ
ಪ್ರಾಸ ಅನುಪ್ರಾಸದ ಹಂಗಿಲ್ಲ
ಇದು ಅಚ್ಛಾಗುವ ಇಚ್ಛೆ
ಸ್ವಲ್ಪವೂ ನನಗಿಲ್ಲ

ಮೌನದಲೆ ಬರೆದೆ ಕವನ
ಇದನಾರು ಓದುವರೊ ಗೊತ್ತಿಲ್ಲ
ಓದಿ ಮೆಚ್ಚದಿದ್ದರೂ ಪರವಾಗಿಲ್ಲ
ಹೊಗಳಿಕೆಯಂತು ಬೇಕೆ ಆಗಿಲ್ಲ
ಇದು ಅಮರವಾಗಲಿ ಎಂಬ
ಹಾರೈಕೆ ನನ್ನದಲ್ಲ

ಮೌನದಲೆ ಬರೆದೆ ಕವನ
ಆದಿಯಿಲ್ಲ ಅಂತ್ಯವಿಲ್ಲ
ಶೂನ್ಯವಂತೂ ಇದಲ್ಲ
ಮೌನಕ್ಕೆ ಬೆಲೆಯೆಂಬುದಿಲ್ಲ
ಇದು ಅಮೂಲ್ಯವಾಗಲಿ ಎಂಬ
ಬಯಕೆ ನನಗಿಲ್ಲ

ಮೌನದಲೆ ಬರೆದೆ ಕವನ
ನೋವಿಲ್ಲ ನಲಿವಿಲ್ಲ
ಭಾವವಂತೂ ಇಲ್ಲವೇ ಇಲ್ಲ
ಮೌನದಲ್ಲೇನೇನೂ ಇಲ್ಲ
ಇದು ಶಾಶ್ವತವಾಗಿರಲಿ ಎಂಬ
ಕೋರಿಕೆ ನನ್ನದಲ್ಲ